1. ختم نبوت فورم پر مہمان کو خوش آمدید ۔ فورم میں پوسٹنگ کے طریقہ کے لیے فورم کے استعمال کا طریقہ ملاحظہ فرمائیں ۔ پھر بھی اگر آپ کو فورم کے استعمال کا طریقہ نہ آئیے تو آپ فورم منتظم اعلیٰ سے رابطہ کریں اور اگر آپ کے پاس سکائیپ کی سہولت میسر ہے تو سکائیپ کال کریں ہماری سکائیپ آئی ڈی یہ ہے urduinملاحظہ فرمائیں ۔ فیس بک پر ہمارے گروپ کو ضرور جوائن کریں قادیانی مناظرہ گروپ
  2. [IMG]
  3. ختم نبوت فورم کا اولین مقصد امہ مسلم میں قادیانیت کے بارے بیداری شعور کرنا ہے ۔ اسی مقصد کے حصول کے لیے فورم پر علمی و تحقیقی پراجیکٹس پر کام جاری ہے جس میں ہمیں آپ کے علمی تعاون کی اشد ضرورت ہے ۔ آئیے آپ بھی علمی خدمت میں اپنا حصہ ڈالیں ۔ قادیانی کتب کے رد کے لیے یہاں جائیں رد قادیانی کتب پراجیکٹ مرزا غلام قادیانی کی کتب کے رد کے لیے یہاں جائیں رد روحانی خزائن پراجیکٹ تمام پراجیکٹس پر کام کرنے کی ٹرینگ یہاں سے لیں رد روحانی خزائن پراجیکٹ کا طریق کار

رد قادیانیت کورس

حمزہ نے 'ختم نبوت کورسز' کی ذیل میں اس موضوع کا آغاز کیا، ‏ اگست 20, 2014

  1. ‏ اگست 20, 2014 #1
    حمزہ

    حمزہ رکن عملہ پراجیکٹ ممبر رکن ختم نبوت فورم

    پیش لفظ
    مرزا غلام احمد قادیانی کا مختصر تعارف
    1. خاندانی پس منظر
    2. نام و نسب
    3. تاریخ ومقام پیدائش
    4. ابتدائی تعلیم
    5. ملازمت
    6. منکوحات مرزا
    7. اولاد مرزا
    8. مرزا کے دعوے
    9. مرزا کے جانشین
    مرزائیوں اور مسلمانوں کے مابین متنازع فیہ مسائل اور تعین موضوع
    کذبات مرزا
    مرزا قادیانی کی گالیوں کے چند نمونے
    تنبیہ

    جھوٹی پیش گوئیاں
    1. پہلی پیشگوئی از آتھم
    2. دوسری پیشگوئی از موت مرزا
    3. تیسری پیشگوئی
    4. چوتھی پیشگوئی
    5. پانچویں پیشگوئی
    6. چھٹی پیشگوئی از محمدی بیگم
    شاعری مرزا
    مختلف زبانوں میں وحی
    مولانا ثناء اﷲ رحمۃ اﷲ کے ساتھ آخری فیصلہ

    حیات ووفات مسیح علیہ السلام
    1. تنقیح و توجیہ موضوع
    2. اثبات رفع و نزول باقوال مرزا از روئے قرآن مجید
    3. اثبات رفع ونزول از روئے احادیث باقوال مرزا
    4. اثبات رفع و نزول مسیح از روئے اجماع امت
    5. مرزائیوں کے مسلم مجددین کی فہرست
    6. دلائل اثبات رفع ونزول ازروئے قرآن مجید
    7. رفع و نزول کا اثبات احادیث نبویہ سے
    8. تردید دلائل وفات مسیح علیہ السلام
    مسئلہ ختم نبوت واجرائے نبوت
    1. تنقیح موضوع
    2. اجرائے نبوت پر مرزائیوں کے دلائل
    3. قرآنی آیات پر مرزائی دجل
    4. احادیث نبویہﷺ پر مرزائی دجل
    5. اقوال بزرگان بر اجرائے نبوت وجوابات
    صداقت مرزا پر ادلہ اور ان کے وجوہات
    1. دلیل اول
    2. دلیل ثانی
    3. دلیل ثالث (خسوف و کسوف کا فراڈ)
    متفرقات
    پاپی مسیح
    مرزا غلام احمد قادیانی اور اس کے پیرو کار کافر کیوں؟
    مرزا قادیانی کے جھوٹا ہونے پر چند عقلی دلائل
    چند کتب جن کا حاصل کرنا ضروری ہے۔
    مرزا قادیانی کی کتب کا اجمالی تعارف



    کورس میں شامل تمام حوالاجات کے سکین پیجز بمعہ ٹائٹلِ کتاب آپ یہاں سے حاصل کر سکتے ہیں۔




    آخری تدوین : ‏ ستمبر 5, 2014
    • Like Like x 2
    • Winner Winner x 1
  2. ‏ اگست 20, 2014 #2
    حمزہ

    حمزہ رکن عملہ پراجیکٹ ممبر رکن ختم نبوت فورم

    محدث العصر حضرت علامہ سید محمد انور شاہ کشمیری رحمۃا ﷲ علیہ کے دوملفوظ
    ملفوظ نمبر ۱
    مرض الموت میں حضرت مولانا سید انور شاہ کشمیری نے اپنی چارپائی اٹھوائی اور دارالعلوم دیوبند کی مسجد کے محراب کے پاس رکھوا کر آخری وصیت ارشاد فرمائی ہے کہ ’’ اس امت کیلئے اب تک قادیانیت سے بڑھکر فتنہ وجود میں نہیں آیا ۔ مسلمانوں کے ایمان کو اس فتنۂ ارتداد سے بچا ؤ اور اپنی ساری قوتیں اس میں صرف کر ڈالو۔ یہ ایسا جہاد ہے جس کا بدلہ جنت ہے ،میں اس بدلے کا ضامن بنتاہوں ‘‘
    یہ روایت حضرت علامہ مولانا شمس الحق افغانی رحمۃ اﷲ علیہ نے بیان فرمائی جسے نقل کرکے انکے تصدیقی دستخط کروالئے گئے حضر ت افغانی نے فرمایاکہ حضرت شاہ صاحب کی یہ روایت مجھے مولانا محمد صدیق صاحب جو حاضر مجلس تھے کی وساطت سے پہنچی تھی ، انہوں نے فارسی میں خط لکھا جس کا ایک جملہ یہ تھا:
    ’’ دریں بارہ کلام پر اثر نمودکہ سنگ خار ہ موم مے کرد‘‘

    ملفوظ نمبر ۲
    ہم پہ یہ بات کھل گئی ہے کہ گلی کا کتابھی ہم سے بہتر ہے اگر ہم تحفظ ختم نبوت نہ کر سکیں ۔
    (نقش دوام از مولانا انظر شاہ کاشمیری مطبوعہ ادارہ تالیفات اشرفیہ ملتان ص۱۹۱)
    پیش لفظ

    بسم اﷲ الرحمن الرحیم
    الحمدﷲ وحدہ والصلوۃ والسلام علی من لا نبی بعدہ ،
    اما بعد:
    دارالعلوم الاسلامیہ ٹنڈو الہ یار سندھ سے فراغت کے بعد ملتان میں امیر شریعت سید عطااﷲ شاہ صاحب بخاری ؒ کے قائم کردہ ختم نبوت مدرسہ میں رد قادیانیت کی تربیت حاصل کرنے کیلئے 1951ء میں بندہ ناچیز داخل ہوا ، فاتح قادیان استاذ محترم حضرت مولانا محمد حیات صاحب ؒ سے تربیت حاصل کی ، ہم کل چار ؍پانچ ساتھی تھے ۔ 1952 کے اوائل میں فارغ ہوا اور اس کے بعد مدرسہ دارالہدی ٰ چوکیرہ ضلع سرگودہا میں تدریس کی خدمت پر مامور ہوگیا ، درسی کتب پڑھانے کے ساتھ ساتھ طلبا ء کو رد قادیانیت کی تربیت دینا بھی شروع کردی ، وہاں سے 1954ء میں اپنے آبائی شہر چنیوٹ آکر جامعہ عربیہ کی بنیاد رکھی ،اورحسب معمول طلباء کی تربیت جاری رہی ، پھر میرے مربی اور شفیق استاد حضرت علامہ مولانا سید محمد یوسف بنوری ؒ کے حکم پر شعبان کی تعطیلات میں کراچی میں ان کے جامعہ علوم الاسلامیہ میں مدت تک یہی خدمت سرانجام دینے کی سعادت حاصل کرتا رہا ، اسی طرح تنظیم اہل سنت کے زیر اہتمام ملتان میں بھی حضرت علامہ دوست محمد قریشی ؒ اور حضرت علامہ عبدالستار تونسوی مدظلہ کے حکم پر دس ؍پندرہ روزہ تربیتی کورس کراتا رہا ۔ اپنی کاپی جو راقم نے اپنے استاد مرحوم فاتح قادیان سے دوران تربیت لکھی تھی اس سے ضروری حوالہ جات طلبا ء کو لکھواتا تھا اور بندہ نے اپنے تجربہ کی روشنی میں ایک نئی ترتیب دیدی جس میں استاد محترم کی تربیت کے برعکس پہلا موضوع بجائے’’ حیات عیسی علیہ السلام‘‘ کے ’’ مرزا قادیانی کے صدق وکذب ‘‘ کواصل موضوع قرار دیا اور قادیانیوں سے موضوع گفتگو طے کرنے کیلئے عقلی اور نقلی دلائل سے ثابت کیا کہ اصل موضوع مدعی نبوت کی ذات اور کردار ہے ۔اگر وہ ایک سچا اور شریف النفس انسان بھی ثابت ہوجائے تو ہمیں دوسری بحثوں ’’حیات مسیح علیہ السلام ‘‘ او ر’’ختم نبوت‘‘ کے موضوعات پرگفتگو کرنے اور فریقین کا وقت ضائع کرنے کی ضرورت نہیں ،ہم بغیر کسی قسم کی بحث کئے اسے اپنے تمام دعاوی میں سچا مان لیں گے او ر اگر وہ اپنی تحریرات سے شریف اور سچا انسان ہی ثابت نہ ہو بلکہ پرلے درجہ کا کذاب ،بدزبان،بدکردار،بداخلاق،شرابی اور زانی ، انگریز کا ٹاؤٹ ثابت ہورہا ہو تو پھر دوسری بحثوں میں پڑنا فریقین کا وقت ضائع کرنا ہے جیسا کہ مرزا قادیانی اور اسکے دونوں جانشینوں نے خود اس بات کا فیصلہ دے دیا ہے اس لئے میری ترتیب میں پہلا عنوان ’’تعین موضوع‘‘ ہے اور یہی اصل موضوع ہے جس پر راقم نے عقلی ،نقلی دلائل پیش کئے ہیں اس موضوع کو طے کرلینے کے بعد حدیث رسول کریم ﷺ کی مطابق قادیانی کے کذاب ودجال ہونے پر چند دلائل دیے گئے ہیں اس کے بعد ’’ حیات مسیح‘‘ پھر ’’ ختم نبوت‘‘کا موضوع پیش کیا گیا ہے ۔
    جامعہ علوم اسلامیہ اور دفتر تنظیم اہلسنت میں تیاری کراتے ہوئے شریک درس طلباء سے نوٹس تیار کرنے کیلئے کہا ،ان نوٹس کی جانچ پڑتال کرکے ایک کاپی تیار کی ۔آئندہ ہرسال اسی کاپی کی فوٹو سٹیٹ اپنے طلبہ میں تقسیم کردی جاتی ۔اس طرح ان نوٹس سے طلبا ء کا وقت بھی بچا اور دوران تحریروہ عجیب غریب غلطیوں ے بھی بچ گئے۔ دوران کورس قادیانی کتب سے حوالہ جات دکھا دیے جاتے تاکہ انہیں عین الیقین ہوجائے اور حوالہ جات کی مزید تشریح زبانی کردی جاتی ۔ اسی کاپی کی مدد سے مسجد نبوی شریف میں کئی سال مغرب اور عشاء کے درمیان یونیورسٹی کے طلبہ کوعربی میں پڑھاتا رہا ۔ ۱۹۸۵ء میں مدینہ یونیورسٹی کے چانسلر نے شاہ فہد کی خصوصی اجازت سے سرکاری طور پر اس حقیر کو دعو ت دی توبندہ یونیورسٹی میں طلبا ء کو عصر سے مغرب تک اسی کاپی کی مدد سے تیاری کراتارہا ۔ ایشیاکی عظیم اسلامی یونیورسٹی او رہماری مادر علمی دارلعلوم دیوبند کے منتظمین نے 1990ء میں دارالعلوم میں ایک تربیتی کیمپ کا انتظام کیا ، پورے ہندوستان سے منتخب علما ء کو جمع کیا گیا اور دارالعلوم سے فارغ ہونے والے طلبا ء کی ایک کثیر تعداد اس کے علاوہ تھی ۔
    بندہ نے ان نوٹس کی ایک کاپی وہاں ارسال کی کہ اس کی فوٹو سٹیٹ کروالیں تاکہ حاضرین کورس میں تقسیم کی جاسکے ۔ چونکہ حاضرین کی تعداد زیادہ تھی اسلئے انہوں نے دو ہزار کے قریب اسی کاپی کو چھپوا لیا ۔
    چونکہ قلمی کاپی کی نسبت پرنٹ کاپی کے صفحات کی تعداد کم تھی نیز اکابرین علماء دیوبند کی خواہش تھی کہ اس کاپی کو کتابی شکل میں بھی شائع کیا جائے ،اگرچہ راقم اس رائے سے کچھ زیادہ متفق نہیں تھا کیونکہ اس کا کامل فائدہ باضابطہ پڑھنے سے ہی ہوتا ہے ، لیکن اکابر کی رائے سے اتفاق کرتے ہوئے بندہ ناچیز نے اس کی اجازت دے دی ۔ چنانچہ میرے مشورہ اور رائے سے اس میں چند مفید اضافے کرکے اور کچھ ترتیب درست کرکے عزیز محترم مولانا سلمان منصور پوری اطال اﷲ عمرہ نائب مفتی واستاذ جامعہ قاسمیہ مدرسہ شاہی مرادآباد، نواسہ حضرت شیخ العرب والعجم مولانا سید حسین احمد مدنی ؒ نے اسے کتابی شکل میں ترتیب دیدیا۔میری نظر ثانی اور چند ضروری اضافہ جات کے بعد اب یہی کتاب ’’ رد مرزائیت کے سنہری اصول‘‘ کے عنوان سے کتابی شکل میں تقریباً اڑھائی سو صفحات پر مشتمل کتاب دارالعلوم دیوبند کی کل ہندمجلس تحفظ ختم نبوت کے زیر اہتمام چھپ چکی ہے اور وہاں سے دستیاب ہوسکتی ہے ۔
    اس تمام وضاحت کی ضرورت اس لئے پیش آئی کہ یہ واضح ہوجائے کہ یہ کوئی باضابطہ تصنیف نہیں ہے بلکہ میرے ضروری نوٹس ہیں ۔اگرچہ ہر اردو پڑھا لکھا عالم ،غیر عالم اپنی استعداد کے مطابق اس سے استفادہ کرسکتا ہے مگر اس سے مکمل استفادہ وہی کرسکتا ہے جو شریک دورہ ہو کر باضابطہ طور پر پڑھے اور سمجھے کیونکہ دوران تدریس ان حوالہ جات کی تشریح میں اور کئی مفید با تیں بھی آجاتی ہیں جو اس پندرہ روزہ کورس میں درج نہیں یا جو صرف دوران سبق ہی بتائی او رسمجھائی جاسکتی ہیں ۔
    اﷲتعالیٰ راقم موصوف کی اس کاوش اور محنت کو قبول فرمائیں اور گم گشتہ راہقادیانیوں کے لئے ذریعہ ہدایت بنائیں ۔
    بندہ نے اس میں مزید اضافہ کرکے اسے ایک مستقل کتاب ’’ردّمرزائیت کے زرّیں اصول ‘‘ کے عنوان سے ترتیب دے دیا ہے۔جو کہ ادارہ مرکزیہ دعوت وارشاد چنیوٹ سے دستیاب ہے ۔
    تمام حضرات سے درخواست ہے دعا کریں کہ اﷲ تعالیٰ میری اس خدمت کو اپنی بارگاہ میں شرف قبولیت بخشیں ۔ آمین
    احقر
    منظور احمد چنیوٹی عفااﷲ عنہ
    • Winner Winner x 2
  3. ‏ اگست 20, 2014 #3
    حمزہ

    حمزہ رکن عملہ پراجیکٹ ممبر رکن ختم نبوت فورم

    مرزا غلام احمد قادیانی کا مختصر تعارف

    خاندانی پس منظر
    ’’ میں ایک ایسے خاندان سے ہوں کہ جو اس گورنمنٹ (برطانیہ) کا پکا خیر خواہ ہے ۔ میرا والد مرزا غلام مرتضیٰ گورنمنٹ کی نظر میں ایک وفاداراور خیر خواہ آدمی تھا جن کودربارگورنری میں کرسی ملتی تھی اور جن کا ذکر مسٹر گریفن صاحب کی تاریخ رئیسان پنجاب میں ہے اور۱۸۵۷ء میں انہوں نے اپنی طاقت سے بڑھکر سرکار انگریزی کومدد دی تھی یعنی پچاس سوار اور گھوڑے بہم پہنچاکر عین زمانہ غدر کے وقت سرکار انگریز ی کی امداد میں دیے تھے ان خدمات کی وجہ سے جو چھٹیات خوشنودی حکام ان کو ملی تھیں مجھے افسوس ہے کہ بہت سی ان میں سے گم ہوگئیں مگر تین چھٹیات جو مدت سے چھپ چکی ہیں ان کی نقلیں حاشیہ میں درج کی گئی ہیں پھر میرے والد صاحب کی وفات کے بعد میرا بڑا بھائی مرزا غلام قادر خدمات سرکاری میں مصروف رہا اور جب تیموں کے گزر پر مفسدوں کا سرکار انگریزی کی فوج سے مقابلہ ہوا تو وہ سرکار انگریزی کی طرف سے لڑائی میں شریک تھا ۔ پھر میں اپنے والد اور بھائی کی وفات کے بعد ایک گوشہ نشین آدمی تھا تاہم سترہ برس سے سرکار انگریزی کی امداد اور تائید میں اپنی قلم سے کام لیتا ہوں ۔‘‘
    (کتاب البریہ مندرجہ روحانی خزائن جلد ۱۳ ص۴ تا ۶)
    آخری تدوین : ‏ اگست 22, 2014
    • Winner Winner x 3
  4. ‏ اگست 20, 2014 #4
    حمزہ

    حمزہ رکن عملہ پراجیکٹ ممبر رکن ختم نبوت فورم

    نام و نسب
    ’’اب میرے سوانح اس طرح پر ہیں کہ میرا نام غلام احمد میرے والد کا نام غلام مرتضی اور دادا صاحب کا نام عطاء محمد اور میرے پرداد اصاحب کا نام گل محمد تھا اور جیسا کہ بیان کیا گیا ہے ہماری قوم مغل برلاس ہے اور میرے بزرگوں کے پرانے کاغذات سے جو اَب تک محفوظ ہیں معلوم ہوتا ہے کہ وہ اس ملک میں سمر قند سے آئے تھے ۔‘‘
    (کتاب البریہ ص۱۴۴ بر حاشیہ روحانی خزائن ص ۱۶۲،۱۶۳ ج ۱۳،مثلہ سیرۃ المہدی حصہ اول ج۱ ص۱۱۶)
    آخری تدوین : ‏ اگست 25, 2014
    • Winner Winner x 1
  5. ‏ اگست 20, 2014 #5
    حمزہ

    حمزہ رکن عملہ پراجیکٹ ممبر رکن ختم نبوت فورم

    تاریخ ومقام پیدائش

    مرزا غلام احمد قادیانی بھارت کے مشرقی پنجاب ضلع گورداسپور تحصیل بٹالہ قصبہ قادیان میں پیدا ہوا ۔ اپنی تاریخ پیدائش کے بارے میں اس نے یہ وضاحت کی ہے :’’ اب میرے ذاتی سوانح یہ ہیں کہ میری پیدائش۱۸۳۹ء یا ۱۸۴۰ء میں سکھوں کے آخری وقت میں ہوئی ہے اور میں ۱۸۵۷ء میں سولہ برس کا یا سترھویں برس میں تھا۔‘‘
    (کتاب البریہ ص۱۵۹ حاشیہ روحانی خزائن ص۱۷۷ ج۱۳)
    • Winner Winner x 2
  6. ‏ اگست 20, 2014 #6
    حمزہ

    حمزہ رکن عملہ پراجیکٹ ممبر رکن ختم نبوت فورم

    ابتدائی تعلیم
    مرزا قادیانی نے قادیان ہی میں رہ کر متعدد اساتذہ سے تعلیم حاصل کی جس کی تفصیل خوداس کی زبانی حسب ذیل ہے ۔
    ’’ بچپن کے زمانہ میں میری تعلیم اس طرح ہوئی کہ جب میں چھ سات سال کا تھا تو ایک فارسی خواں معلم میرے لئے نوکر رکھا گیا ۔جنہوں نے قرآن شریف اور چند فارسی کتابیں مجھے پڑھائیں اور اس بزرگ کا نام فضل الہی تھا ۔اور جب میری عمر تقریباً دس برس کی ہوئی تو ایک عربی خواں مولوی صاحب میری تربیت کیلئے مقرر کئے گئے جن کا نام فضل احمد تھا میں خیال کرتا ہوں کہ چونکہ میری تعلیم خدائے تعالی کے فضل کی ایک ابتدائی تخم ریزی تھی اس لئے ان استادوں کے نام کا پہلا لفظ’ فضل‘ ہی تھا۔ مولوی صاحب موصوف جو ایک دیندار اور بزرگوار آدمی تھے وہ بہت توجہ اور محنت سے پڑھاتے رہے اور میں نے صرَف کی بعض کتابیں او رکچھ قواعد نحو اِن سے پڑھے اور بعد اس کے جب میں سترہ یا اٹھارہ سال کا ہوا تو ایک اور مولوی صاحب سے چند سال پڑھنے کا اتفاق ہوا ۔ان کا نا م گل علی شاہ تھا ان کو بھی میرے والد نے نوکر رکھ کر قادیان میں پڑھانے کیلئے مقرر کیا تھا اور ان آخر الذکر مولوی صاحب سے میں نے نحو اور منطق اور حکمت وغیرہ علوم مروجہ کو جہاں تک خداتعالی نے چاہا حاصل کیا اور بعض طبابت کی کتابیں میں نے اپنے والد صاحب سے پڑھیں اور وہ فن طبابت میں بڑے حاذق طبیب تھے ۔‘‘
    (کتاب البریہ بر حاشیہ۶۱ ۱تا۱۶۳۔روحانی خزائن ج ۱۳ ص ۱۷۹ تا ۱۸۱)
    جبکہ مرزا غلام احمد قادیانی خود لکھتا ہے کہ ’’ تمام نفوس قدسیہ انبیاء کو بغیر کسی استاد یا اتالیق کے آپ ہی تعلیم اور تادیب فرما کر اپنے فیوض قدیم کا نشان ظاہر فرمایا۔‘‘
    (دیباچہ براہین احمدیہ ص ۷، روحانی خزائن ص۱۶ج۱)
    آخری تدوین : ‏ اگست 25, 2014
    • Funny Funny x 1
    • Winner Winner x 1
  7. ‏ اگست 20, 2014 #7
    حمزہ

    حمزہ رکن عملہ پراجیکٹ ممبر رکن ختم نبوت فورم

    ملازمت
    مرزا غلام احمد قادیانی کا بیٹا لکھتا ہے۔
    ’’ بیان کیامجھ سے حضرت والدہ صاحبہ نے کہ ایک دفعہ اپنی جوانی کے زمانہ میں حضرت مسیح موعود علیہ السلام تمہارے دادا کی پنشن وصول کرنے گئے تو پیچھے پیچھے مرزا امام الدین بھی چلا گیا جب آپ نے پنشن وصول کرلی تو وہ آپ کو پھسلا کر اور دھوکہ دے کر بجائے قادیان آنے کے باہر لے گیا اور ادھر اُدھر پھراتا رہا پھر اتارہاپھر جب آپ نے سارا روپیہ اڑا کر ختم کردیا تو آپ کو چھوڑ کر کہیں اور چلا گیا ۔ حضرت مسیح موعود اس شرم سے واپس گھر نہیں آئے اور چونکہ تمہارے دادا کا منشاء رہتا تھا کہ آپ کہیں ملازم ہوجائیں اس لئے آپ سیالکوٹ شہر میں ڈپٹی کمشنر کی کچہری میں قلیل تنخواہ پر ملازم ہوگئے ۔ ‘ ‘
    (سیرۃ المہدی حصہ اول ص ۴۳ روایت نمبر ۴۹ ،مصنفہ صاحبزادہ بشیر احمد صاحب قادیانی )
    واضح رہے کہ پنشن کی یہ رقم سات صد روپیہ تھی۔
    (سیرۃ المہدی ج ۱ ص ۱۳۱ روایت نمبر ۱۲۲)
    آخری تدوین : ‏ اگست 25, 2014
    • Funny Funny x 1
    • Winner Winner x 1
  8. ‏ اگست 20, 2014 #8
    حمزہ

    حمزہ رکن عملہ پراجیکٹ ممبر رکن ختم نبوت فورم

    منکوحات مرزا

    مرزا غلام احمد قادیانی کی تین بیویاں تھیں۔
    پہلی بیوی جس کو ’ پھجے کی ماں‘ کہا جاتاہے اور اس کا نام حرمت بی بی تھا اس سے ۱۸۵۲ء یا ۱۸۵۳ ء میں شادی ہوئی ۔
    دوسری بیوی جس کا نام نصرت جہاں بیگم ہے اس سے نکاح ۱۸۸۴ء میں ہوا ۔
    اس کی ایک او ربیوی بھی تھی جس کے ساتھ بقول اسکے اس کا نکاح آسمانوں پر ہوا تھا،جس کا نام محمدی بیگم تھامگر اس کے ساتھ اس کی شادی ساری زندگی نہ ہوسکی اس کا مفصل تذکرہ آئندہ آئے گا۔
    • Like Like x 1
    • Winner Winner x 1
  9. ‏ اگست 20, 2014 #9
    حمزہ

    حمزہ رکن عملہ پراجیکٹ ممبر رکن ختم نبوت فورم

    اولاد

    ۱) مرزا سلطان احمد ۲) مرزا فضل احمد
    (یہ دونوں مرزا پر ایمان نہ لائے تھے میرزا فضل احمد مرزا قادیانی کی زندگی میں مر گیا لیکن مرزا نے اس کا جنازہ نہ پڑھا( روزنامہ الفضل قادیان ۷ جولائی۱۹۴۳ء ص ۳ ) جبکہ مرزا سلطان احمدکو مرزا نے عاق کردیاتھا)
    مرزا کی دوسری بیوی سے درج ذیل اولاد ہوئی۔
    لڑکے﴾ مرزا محمود احمد ۔مرزا شوکت احمد۔ مرزا بشیر احمداول ۔ مرز اشریف احمد۔ مبارک احمد ۔بشیر احمد ایم اے۔
    لڑکیاں ﴾ مبارکہ بیگم ۔ امۃالنصیر ۔ امۃ الحفیظ بیگم ۔عصمت
    ان میں سے فضل احمد ، بشیر اول، شوکت احمد ،مبارک احمد ،عصمت اور امۃ النصیرکا مرزا کی زندگی میں ہی انتقال ہوگیا تھا جبکہ باقی اولاد( سلطان احمد ،محمود احمد ، بشیر احمد ،شریف احمد ،مبارک بیگم ،امۃ الحفیظ بیگم ) مرزا قادیانی کی موت کے بعد بھی زندہ رہی ۔
    (دیکھئے نسب نامہ مرزا ،سیرۃ المہدی حصہ اول ص ۱۰۴ روایت ۱۲۸)
    خلاصہ کلام یہ ہے کہ مرزا کے ہاں دونوں بیویوں سے آٹھ لڑکے اور چار لڑکیاں پیدا ہوئی تھیں ۔چارلڑکے اور دو لڑکیاں مرزا کی زندگی میں انتقال کر گئیں جبکہ چار لڑکے اور دو لڑکیاں زندہ رہیں ۔
    آخری تدوین : ‏ اگست 25, 2014
    • Winner Winner x 2
  10. ‏ اگست 20, 2014 #10
    حمزہ

    حمزہ رکن عملہ پراجیکٹ ممبر رکن ختم نبوت فورم

    مرزا کے دعوے

    مرزا نے درجہ بدرجہ دعوے کئے تھے جس کا نقشہ حسب ذیل ہے۔
    (ملہم من اﷲ ۔مجدد۔ مسیح موعود۔ مہدی ۔ظلی بروزی نبوت۔ مستقل نبوت)

    ان دعووں پر چند حوالہ جات

    (۱) ’’ جب تیرھویں صدی کا آخیر ہوا اور چودہویں صدی کا ظہور ہونے لگا تو خدا نے الہام کے ذریعہ مجھے خبر دی کہ تو اس صدی کا مجد د ہے ‘‘
    (کتاب البریہ حاشیہ ۱۸۳ ،روحانی خزائن ج۱۳ ص ۲۰۱)
    (۲) ’’ میں خدا تعالی کی طرف سے مامور ہوکر آیا ہوں ‘‘
    (کتاب البریۃص ۱۸۴، روحانی خزائن ج ۱۳ ص۲۰۲)
    (۳) ”انی فضلتک علی العالمین قل ارسلت الیکم جمیعا“
    (ترجمہ: میں نے تجھ کو تمام جہانوں پر فضیلت دی تو کہ دے کہ میں تم سب کی طرف بھیجا گیا ہوں ) ۔
    (تذکرہ ص ۱۲۹ طبع دوم)
    (۴) ’’ اﷲ جل شانہ کی وحی اورالہام سے میں نے مثیل موعود ہونے کا دعویٰ کیا ہے ‘‘
    (تذکر ہ ص ۱۷۷ طبع دوئم)
    (۵) ’’جعلنا ک المسیح ابن مریم ‘‘ ہم نے تجھے مسیح ابن مریم بنایا۔
    (ازالہ اوہام ص۵۷۳ ، روحانی خزائن ج ۳ ص۴۰۹،تذکرہ ص ۱۹۱،۲۱۹،۲۲۳ طبع دوم )
    (۶) ’’ خدا نے مجھے بشارت دی او رکہا کہ وہ مسیح موعود اور مہدی مسعود جس کا لوگ انتظار کرتے ہیں تو ہے ۔ ‘‘
    (اتمام الحجۃ ص۳ ، روحانی خزائن ج ۸ ص ۲۷۵)
    (۷) ’’ جبکہ میں بروزی طور پر آنحضرت ﷺ ہوں اور بروزی رنگ میں تمام کمالات محمد ی مع نبوت محمدیہ میرے آئینہ ظلیت میں منعکس ہیں تو پھر کون ساالگ انسان ہوا جس نے علیحدہ طور پر نبوت کا دعویٰ کیا ۔‘‘
    (ایک غلطی کاا زالہ ص۸ ، روحانی خزائین ج۱۸ ص۲۱۲ )
    (۸) ”انا انزلنہ قریباً من القادیان“ ہم نے اس کو قادیان کے قریب اتاراہے ۔
    (براہین احمدیہ ص۴۹۸ حاشیہ ، روحانی خزائن ج ۱ ص ۵۹۳،تذکرہ ص۶۳۷طبع دوم)
    (۹) ’’ سچا خدا وہی خدا ہے جس نے قادیان میں اپنا رسول بھیجا‘‘
    ( دافع البلا ء ص ۱۱، روحانی خزائن ج۸ ۱ص ۲۳۱)
    (۱۰) ”قل یا ایھا الناس انی رسول اﷲ الیکم جمیعا ای مرسل من اﷲ“ اور کہہ کہ اے لوگو! میں تم سب کی طرف خدا تعالی کا رسول ہو کر آیا ہوں۔
    (تذکرہ ص ۳۶۰)
    (۱۱) ”یٰس انک لمن المرسلین علی صراط مستقیم“
    اے سردار تو خدا کا مرسل ہے راہ راست پر ۔
    ( حقیقت الوحی ص ۱۰۷ ، روحانی خزائن ج۲۲ ص۱۱۰،تذکرہ ص۶۵۸،۶۵۹)
    (۱۲) ’’ شریعت کی تعریف یہ ہے کہ جس میں امر اور نہی پا یا جائے اور یہ دونوں میری وحی میں بھی پائے جاتے ہیں ‘‘
    (خلاصہ عبارت اربعین نمبر۴ص ۶، روحانی خزائن ص ۴۳۵ ج ۱۷)
    (۱۳)’’اور مجھے بتلایا گیا تھا کہ تیری خبر قرآن و حدیث میں موجود ہے ۔اور تو ہی اس آیت کا مصداق ہے ۔”ھوالذی ارسل رسولہ بالھدیٰ ودین الحق لیظہرہ علی الدین کلہ“۔
    (اعجاز احمدی ص۷۔ روحانی خزائن ص۱۱۳ ج ۱۹)
    آخری تدوین : ‏ اگست 25, 2014
    • Like Like x 1
    • Winner Winner x 1

اس صفحے کی تشہیر